.jpg)
Argentina millisinin sabiq hücumçusu Serxio Aquero ürəyində yaranan problemə görə karyerasını bitirməsindən danışıb.
Sportinfo.az xəbər verir ki, Aquero bu problemin nədən yarandığını hələ də bilmədiyini deyib.
O, koronovirusdan və ya peyvənddən də şübhələnir:
“Yüksək səviyyədə oynamaq üçün daha iki ilimin olduğunu düşünürdüm. “Barselona”dan təklif alanda bu seçimlə bağlı heç bir şübhəm yox idi.
Mən Leo ilə necə oynayacağımı, dünya çempionatına necə gedəcəyimi təsəvvür edirdim. Ürəyimdə baş verənlər çox qəribə və gözlənilməz oldu.
Bunun nədən qaynaqlandığını bilmirlər və mən həqiqəti öyrənmək üçün araşdırmaları davam etdirəcəyəm. Amma buna COVID-19 və ya peyvəndin səbəb olub-olmadığı əbədi olaraq bilinməyəcək.
Bu gün oynamaq istəyirəm, amma qorxuram. Mən bütün ömrüm boyu maksimum və yüksək rəqabətdə məşq etmişəm.
Futbola, xəbərlərə baxmıram, nə baş verdiyi məni maraqlandırmır. Ən çox zövq aldığım şeylərə diqqət yetirirəm: dostlar, söhbətlər və görüşlər. Mənə dedilər ki, bəxtim gətirib, çünki infarkt da keçirə bilərdim”.
