Dünən Birinci Divizionda mövsümün ikinci yarısına start verildi.
"Qəbələ-2" doğma meydanda çempionluğa iddialı "Kəpəz"i qəbul etdi.
Bu tura kimi məğlubiyyət yaşamayan qonaqlar ilk dəfə Qəbələdə 2-0 hesablı məğlubiyyətlə üzülməli oldu.
Matçda diqqət çəkən başqa məqam görüşün keçirildiyi Qəbələ şəhər stadionun ehtiyat meydançasının durumu oldu. Belə ki, ot örtüyü saralmış, baxımsız təsiri bağışladı.
Hətta qarlı-boranlı havada belə Qəbələdəki meydançaların ot örtüyünün ideal vəziyyətdə saxlandığına şahidlik etmişik.
Amma indi belə mənzərəni görmək çox ağırdı. Görünür, ya işçi sayı azdır, ya da klub rəsmiləri ehtiyat meydançaya görə əlavə xərcə düşmək istəmir.
Ağıla başqa fikir də gəlmir. Çünki cəmi 2 gün əvvəl "Qəbələ" - "Sumqayıt" görüşünün keçirildiyi əsas meydançanın örtüyü həmişəki kimi yenə ideal vəziyyətdə idi.
XANOĞLAN / SPORTİNFO.AZ
