“Olimpiakos Volos” bu gün Yunanıstanın ikinci Super Liqasında növbəti oyununu keçirəcək.
Volos şəhərinin eyniadlı komandası səfərdə “İraklis 1908”in qonağı olacaq.
Azərbaycanlı futbolçu Turan Manafov bu görüşdə iştirak etməyəcək. Səbəb solaxay müdafiəçinin belindən aldığı zədədir.
Həmyerlimiz kürəyində ağrılar hiss etdiyindən, komandanın son iki gündəki məşqlərində tər tökməyib.
Həkimlər ona bir qədər gözləməyi məsləhət görüb. Odur ki, baş məşqçi Vasilis Vuzasın ona şans verəcəyi inandırıcı görünmür.
Yanvarda “Səbail”in “Olimpiakos Volos”a icarəyə verdiyi 23 yaşlı müdafiəçi Yunanıstanda olduğu müddətdə 4 çempionat matçında şans qazanıb.
Bunlardan 3-də əvəzlənmədən oynayıb, sonuncu qarşılaşmada isə meydanı 67-ci dəqiqədə tərk edib.
HƏBİB / SPORTİNFO.AZ
