"Mançester Siti", "Barselona", "Atletiko" və Argentina millisinin sabiq hücumçusu Serxio Aquero ürəyində yaranan problemdən danışıb.
Sportinfo.az xəbər verir ki, Aquero hələ də ürəyində müəyyən problemin olduğunu bildirib.
O, tam sağalıb-sağalmayacağını da dəqiq bilmir:
“Futbol oynamaq istəyəndə, məndə təngnəfəslik yaranır. Bəzən özümə sual verirəm ki, nəvaxtsa tam gücümlə qaça biləcəəm? Amma indi hiss edirəm ki, ürəyim düzgün işləmir”.
Hücumçu İspaniya çempionatının 12-ci turunda “Alaves”lə oyunda (1:1) taxikardiya səbəbindən ilk hissədə əvəzlənmişdi.
Matçdan sonra Aqueronun özünü yaxşı hiss etdiyi bildirildi. Amma sonradan məlum oldu ki, ürəyində problem yarandığı üçün azı 3 ay yaşıl meydanlardan kənarda qalacaq.
Ötən ilin dekabrın 15-də argentinalı karyerasını başa vurduğunu elan etdi.
