"Portu"nun müdafiəçisi Pepe uzun müddət diskvalifikasiya oluna bilər.
Sportinfo.az xəbər verir ki, o, Portuqaliya çempionatının 22-ci turunda “Sportinq”lə keçirilən qarşılaşmada baş verən insidentin əsas səbəbkarıdır.
Pepenin "Sportinq"in direktorunu döydüyü iddia edilir.
Hakim rəyində deyilir ki, Pepe “Sportinq”in direktorunu təpikləyib. Liqanın qaydalarına əsasən, Pepe iki aydan iki ilə qədər diskvalifikasiya oluna bilər.
“Portu” – “Sportinq” matçında futbolçular arasında kütləvi dava baş vermişdi. Davada, demək olar ki, bütün futbolçular iştirak ediblər.
Nəticədə görüşün baş hakimi 4 qırmızı vərəqə göstərib. “Portu”da Aqustin Markes və Pepe, “Sportinq”dən isə Joao Palinya və Bruno Tabata meydandan qovulublar.
