Fransa yığmasının sabiq yarımmüdafiəçisi Olive Dakur “Vest Hem”in müdafiəçisi Kur Zuma haqqında danışıb.
Zuma pişiyə şiddət göstərdiyi üçün tənqid olunur.
Sportinfo.az xəbər verir ki, Dakur Zumanı müdafiə etmədiyini, amma ona bu qədər ittiham irəli sürülməsinin də yanlış olduğunu bildirib:
“Mən onu müdafiə etmək fikrində deyiləm, bunun üçün heç bir bəhanə ola bilməz. Ancaq eyni zamanda, bu bir pişikdir. Zuma mühakimə olundu, cərimə ödədi, sponsorunu itirdi.
Amma heç kimi öldürmədi. Səhv etdi və bunun əvəzini ödədi. Və o, futbol oynamağa davam etməlidir.
Sosial şəbəkələrdə qadın və uşaqların döyülməsinə, irqçiliyə etiraz edən bu qədər insan görməmişəm.
Media tərəfindən çox böyük təzyiqlər var. Kur büdrədi, səhvin əvəzini ödəyir. Amma onu rahat buraxmaq lazımdır, o, futbolçudur”.
