Rusiya - Ukrayna gərginliyi futbol təsərrüfatına da sirayət edib.
Sportinfo.az xəbər verir ki, xeyli biznesmen Ukraynanı tərk edib.
Ukrayna mətbuatının iddiasına görə, “Şaxtyor”un sahibi Renat Axmetov da ölkədən gedib.
Bildirilir ki, Axmetovun təyyarələrindən biri Ukraynanı bazar günü tərk edib. Oliqarxın özü isə yanvarın 30-da Sürixə uçub.
Qeyd olunur ki, ukraynalı oliqarxlar və iş adamları ölkəni çarter reysləri ilə tərk edirlər. Son 6 ildə bu qədər çarter reysi müşahidə olunmayıb.
Bir sıra ölkələr öz vətəndaşlarına təhlükəsizlik vəziyyəti ilə əlaqədar Ukraynanı təcili tərk etməyi tövsiyə edir.
"Şaxtyor" 47 xal toplayaraq qış fasiləsinə turnir cədvəlinin lideri kimi yollanıb.
