“Brentford"la müqavilə bağlayan Kristian Eriksen Avropa çempionatında ürəyində yaranan problemlə bağlı danışıb.
Sportinfo.az xəbər verir ki, o, yalnız 5 dəqiqə huşsuz vəziyyətdə olduğu müddətdən savayı, qalan hər şeyi xatırladığını bildirib:
“Mən bu dünyadan beş dəqiqəliyinə ayrıldım, sonra ürəyim yenidən döyünməyə başladı. O beş dəqiqədən başqa hər şeyi xatırlayıram - top dizimə dəydi... Sonra nə baş verdiyini xatırlamıram.
Ayılanda ətrafımda insanlar dayanmışdı, sinəmdə təzyiq hiss etdim. Nəfəs almağa çalışdım. Gözümü açanda nə baş verdiyini heç anlamadım.
O an başıma gələnlərdən xəbərim yox idi. İlk keçici düşüncələr bunlar idi: “Ayağıma nəsə olub? Belimi sındırmışam? Ayağımı qaldıra bilərəmmi?”
Tam olaraq nə baş verdiyini anlamaq üçün kiçik hərəkətlər etməyə çalışdım.
Təcili yardım maşınında kiminsə “bizdən çox ayrı qaldı” sualına “beş dəqiqə” cavabını eşitdim.
İlk dəfə idi ki, bu dünyada olmadığımı eşidirdim. Bu, möcüzə idi? Əlbəttə!".
