Heyvanların hüquqlarının müdafiəsi təşkilatı PETA Fransa yığmasının baş məşqçisi Didye Deşama müraciət edib.
Sportinfo.az xəbər verir ki, təşkilat “Vest Hem”in müdafiəçisi Kurt Zumanın milli komandadan uzaqlaşdırılmasını tələb edir.
Zuma pişiyini təpiklədiyi üçün ictimai qınaqla üzləşib. Təşkilatın bəyanatında deyilir:
“Heyvanla bu cür kobud rəftar edən hər kəs hərəkətlərinə görə cavab verməlidir. Buna görə də Didye Deşamdan tələb edirik ki, onu Fransa yığmasından uzaqlaşdırsın.
Zumanın dünya çempionatında iştirak etməsi Fransanın reputasiyasına xələl gətirəcək. Bu, dünya ictimaiyyətinə bir mesaj olacaq ki, Fransa heyvanlara qarşı qəddarlığı ciddi qəbul etmir”.
