Fransa Futbol Federasiyasının prezidenti Noel Le Qre “Vest Hem”in fransız müdafiəçisi Zumanın hərəkətinə münasibət bildirib.
Sportinfo.az xəbər verir ki, sosial şəbəkələrdə yayılan videoda Zumanın öz pişiyini təpikləməsi ictimai qınağa səbəb olub.
Federasiya prezidenti futbolçunun davranışını kəskin tənqid edib:
“Bu, təbii ki, şokedici davranışdır. Həm axmaq, həm də qəddar olan zorakılıq aktıdır.
Kurt Zumanın haqqında heç vaxt pis bir şey eşitmədiyimi nəzərə alsaq, onun belə davranışı təəccüblü görünür. O, indiyə qədər müsbət davranışı ilə fərqlənib.
Onu da qeyd edim ki, Zuma artıq üzr istəyib. Ümid edirəm ki, bu hadisədən dərs aldı”.
