“Ermənistan Azərbaycanla təkcə dəmir yolu deyil, həm də avtomobil əlaqəsi açmağa hazırdır".
Bunu Ermənistanın Baş naziri Nikol Paşinyan parlamentdə hökumət saatı zamanı deyib.
“Biz təkcə dəmir yolu deyil, həm də avtomobil kommunikasiyalarının açılması ilə bağlı təkliflər hazırlayıb Azərbaycan tərəfinə təqdim etmişik. Onlar Rusiya və beynəlxalq tərəfdaşlara da təqdim olunub”, - deyə Paşinyan qeyd edib.
Dəmir yolu ilə bağlı danışarkən o xatırladıb ki, Ermənistan və Azərbaycan liderlərinin Brüsseldə əldə etdiyi razılaşmalar əsasında Arazdəyən-Culfa-Ordubad-Mehri-Horadiz dəmir yolunun bərpasına hazırlıq üzrə işçi qrupu yaradılıb.
