“Qardaşımın vəziyyəti əvvəl olduğu kimidir”.
Bu sözləri Sportinfo.az-a açıqlamasında Qəhrəman Əliyevin qardaşı Seyran Əliyev deyib. 2020-ci ilin noyabrında koronavirusa yoluxan və
nəticədə beyin insultu keçirən məşqçi bugünlərdə növbəti dəfə müayinə olunub. Nəticələr tanınmış məşqçinin sağlıq durumunun irəliyə doğru dəyişmədiyini göstərib:
“Ümidimiz Allaha qalıb. Bəlkə möcüzə oldu. Qəhrəmanın üstünə saysız-hesabsız həkim gəlib.
Onlar da deyir ki, biz nə mümkündürsə, etmişik, hər şey Allahın əlindədir. Hər gün qardaşımın evinə gedirəm, saatlarla yanında əyləşirəm.
Hərdən gözünü açıq, qeyri-məchul bir nöqtəyə baxır. Reaksiyası çox zəifdir.
Hərdən ağrıları güc gələndə, hiss edisən ki, inildəyir. 15 aydır bizim nə çəkdiyimizi bir Allah bilir! Həqiqətən çətindir".
.jpg)
