18 yaşadək futbolçulardan ibarət Azərbaycan millisi Belarusun paytaxtı Minskdəki beynəlxalq turnirdə (3-14 fevral) iştirak etməyəcək.
Bu haqda AFFA-nın rəsmi saytı xəbər yayıb.
Bildirilib ki, buna 6 futbolçu, məşqçi və inzibatçının koronavirusa yoluxması səbəb olub. Odur ki, yığmanın Bakıdakı toplanışı da ləğv edilib.
Futbolçulardan Adəm Topalov, Həmzəli Mikayılov, Eşqin Əhmədov, Hacıəli Şirəliyev, Murad Məmmədov və Sənan Ağalarovda infeksiya aşkarlanıb.
Məşqçi Aslan Kərimov və inzibatçı Ehtiram Abbasovun da testi pozitiv çıxıb.
Bizdə olan məlumata görə, yoluxma sayı AFFA-nın açıqladığı siyahı ilə məhdudlaşmır. Baş məşqçi Aqil Nəbiyev və daha 3 oyunçu xəstəliyin simptomlarına yoluxub.
SPORTİNFO.AZ
