Niderland yığmasının oyunçusu Azərbaycan klubundan imtirna etdi

21 Oktyabr 16:56 Premyerliqa 606
Niderland yığmasının oyunçusu Azərbaycan klubundan imtirna etdi

Niderlandın aşağı yaş qrupu üzrə yığmalarının sabiq futbolçusu Kris Davidin karyerasını Azərbaycanda davam etdirmək variantı yaranıb.

Sportinfo.az xəbər verir ki, 27 yaşlı yarımmüdafiəçi Premyer Liqa klublarından təklif alıb.

Cənubi Afrika Respublikasının “Kape Taun” klubundan ayrıldıqdan sonra işsiz qalan David Azərbaycanla yanaşı, Finlandiya təmsilçilərinin də maraq dairəsində olub. Lakin futbolçu Almaniyaya köçməyi üstün tutub.

II Bundesliqa təmsilçisi “Vurtsburger Kikkers”lə müqavilə imzalayan pleymeyker seçimini belə əsaslandırıb: “Azərbaycan və Finlandiya çempionatları mənim üçün kifayət qədər maraqlı deyildi.

Öz keyfiyyətlərimə bələdəm, nələrə qadir olduğumu bilirəm. Özüm üçün ən yaxşı olan yeri seçməliydim. Düşünürəm ki, Almaniya bu baxımdan fantastik yerdir”.

Kris "Tvente”nin yetirməsidir. 2013-cü ildə "Fulhem"ə keçən futbolçu 2015-də "Tvente"yə icarəyə verilib.

Yarımmüdafiəçi növbəti illərdə Hollandiyanın "Qo Ahead Eagles" (2015-2015), "Utrext" (2017-2018), "Yonq Utrext" (2017-2018) və CAR-ın "Kape Taun" (2019-2020) komandalarında çıxış edib.

Xəbər Lenti