.jpg)
Yeni mövsüm Premyer Liqada çıxış edəcək "Kəpəz"də hazırlıqlar davam edir.
Toplanışın Gəncə mərhələsini başa vuran komanda bu gündən Bakıda - "Dalğa Arena"da bir araya gəlib.
Bölgə təmsilçisi transfer çalışmalarını da davam etdirir. Gürcüstandan olan iki legionerlə danışıqlar başa çatıb. Yaxın günlərdə komandaya qoşulacaq hər iki futbolçu da yarımmüdafiəçi mövqeyində çıxış edir.
Bundan başqa iranlı legioner Peyman Keşavarzi ilə də danışıqlar müsbət yekunlaşıb. Müdafiəçinin Bakı toplanışına qatılacağı gözlənilir.
Komanda ilə adı çəkilən sabiq "Xəzər Lənkəran"lı Sadio Tounkara isə baş məşqçi Yaşar Vahabzadənin planlarına daxil deyil. Ümumiyyətlə, onunla danışıq aparılmayıb.
Yerli futbolçularla bağlı isə vəziyyət heç də ürəkaçan deyil.
Əksəriyyət "Turan Tovuza" üz tutubsa, yerdə qalanlar da komandaya güc qatacaq səviyyədə deyil. Elə təcrübəli mütəxəssisi də ən çox qayğılandıran bu məsələdir.
XANOĞLAN / SPORTİNFO.AZ
