Bu gün Azərbaycan Premyer Liqasında III tura yekun vurulacaq.
Sportinfo.az xəbər verir ki, turun mərkəzi oyunu Suraxanıda təşkil olunacaq.
Azərbaycanın iki ən böyük klubu – “Qarabağ”la “Neftçi” çempionat çərçivəsində 80-ci dəfə qarşılaşacaq. Avrokuboklardakı uğursuzluqdan sonra hər iki komanda qələbəyə köklənib.
Qurban Qurbanovun yetirmələri liderlik, Füzuli Məmmədovun komandası isə qara zolaqdan çıxmaq üçün mübarizə aparacaq.