“Neftçi” Türkiyədəki təlim-məşq toplanışında ikinci yoxlama oyununu keçirib.
Sportinfo.az xəbər verir ki, komanda “Gloria Sports Arena”da “Dinamo” (Kiyev) ilə qarşılaşıb. Baş məşqçi Roberto Bordinlə yollarını ayıran "Neftçi" klubunu görüşə Füzuli Məmmədov çıxarıb.
Oyundan əvvəl Qanlı Yanvar şəhidlərinin əziz xatirəsi bir dəqiqəlik sükutla yad olunub və bakılı futbolçular meydana qara sarğı ilə çıxıblar. Görüş rəqibin 2:1 hesablı qələbəsi ilə nəticələnib.
Ukraynalıların heyətində Vitali Mikolenko (12-ci dəqiqə) və Nazari Rusin (19-cu dəqiqə), “Neftçi“dən isə Vanqelis Platellas (69-cu dəqiqə) fərqlənib.