"Neftçi" Stiven Monrozla bağlı qərarını hələ də verməyib.
Bu barədə Sportinfo.az-a açıqlamasında "Neftçi"nin mətbuat xidmətinin rəhbəri Rüstəm Allahverdiyev deyib.
Sitat: "Monrozun müqaviləsi "Neftçi" ilə bitib. Futbolçu hazırda öz vətənindədir. Onun komandada qalıb-qalmayacağı barədə məşqçilər konkret qərar verməyib. Gözləyirik, məşqçilər qərar verəndən sonra biz də rəsmi paylaşım edəcəyik".
Xatırladaq ki, fransalı yarımmüdafiəçi 2019-cu ildən "Neftçi" forması geyinir. O, son mövsüm 17 oyunda meydana çıxıb və 2 dəfə fərqlənməyi bacarıb.