200 min dollar ödə, Sabir Buqrini Azərbaycanda saxla!

18 Aprel 2021 11:40 Neftçi 4 169
200 min dollar ödə, Sabir Buqrini Azərbaycanda saxla!

Sabir Buqrinin Azərbaycanda qalmaq üçün istədiyi məbləğ olub.

Belçikalı yarımmüdafiəçinin ürəyindən keçən illik ödəmə 200 min dollardır.

Ötən ilin yayında «Düdelanj»dan «Neftçi»yə gələn legionerin burada aylıq qazancı 7000 dollar təşkil edir. Onun «ağ-qaralar»la sözləşməsi gələn mövsümün axıranadək qüvvədədir.

Bakılılar istəyir ki, Sabirlə anlaşmanı daha 3 il müddətinə uzatsınlar. Sadəcə, Sabir əvvəlki şərtlərlə imzasını yeniləmək niyyətindən uzaqdır.

Belçikalı yenidən Avropaya qayıtmaq fikrindədir və bununla bağlıı menecerlerlə sıx təmasdadır. Artıq ona bir neçə təklif də gəlib.

Buqrin «Köhnə dünya»dan onunla maraqlananların olması haqda klub rəsmilərini də məlumatlandırıb və üstünlüyü onlara verəcəyini də etiraf edib.

Sabiri Azərbaycanda saxlaya biləcək yeganə güc mərkəzi puldur. «Neftçi» orta sahə oyunçusu ilə müqaviləni uzatmaq istəyirsə,

2022-ci ilin yayını gözləməməlidir, elə bu ilin iyulundan etibarən maaşını artırmalıdır.

Əks halda, alternativ variant işə düşəcək. Bu isə aydındır – söhbət «Qarabağ»dan gedir. Qurban Qurbanov hələ «Dudelanj»dan yaxşı tanıdığı yarımmüdafiəçini öz sərəncamında görmək istəyir.

SPORTİNFO.AZ

Digər Xəbərlər
Xəbər Lenti