"FIFA mafiya kimi davranır"

18 Yanvar 22:55 Maraqlı 288
"FIFA mafiya kimi davranır"

UEFA-nın keçmiş prezidenti Mişel Platini dünya futbol təşkilatı FIFA-nı sərt tənqid edib.

Sportinfo.az xəbər verir ki, Platini FIFA ilə yanaşı, İdman Arbitraj Məhkəməsinin(CAS) də özünü mafiya təşkilatı kimi apardığını deyib.

65 yaşlı funksioner hər iki qurumu öz istədiklərini etməkdə günahlandırıb: "Heç kim onların işini izləmir. Hər kəsi futboldan uzaqlaşdıra bilirlər. Məni də ortadan qaldırdılar. FIFA prezidenti olmamağım üçün hər şeyi etdilər".

Platini deyib ki, FIFA prezidenti Canni İnfantino onun futbola qayıtmasına əngəl törədəcək: "Hər şey yaxşı planlaşdırıldı. Səbəbsiz deyildi ki, mənim cəzam 2019-cu ilin oktyabrında, FIFA prezidentinin yenidən seçilməsindən bir ay sonra başa çatdı".

Mişel Platini UEFA-ya 2007-2015-ci illərdə rəhbərlik edib. 2015-ci il oktyabrın 8-də FIFA Etika Komitəsinin Arbitraj Palatası onu 90 gün müddətinə vəzifəsindən kənarlaşdırıb.

Dekabrın 21-də isə 8 il müddətinə diskvalifikasiyaya məruz qalıb. Lakin 2016-cı ilin mayında cəza 4 ilə enib. Onun cəzası 2019-cu ilin oktyabrında başa çatıb.

Digər Xəbərlər
Xəbər Lenti
24 Sentyabr 22:00 53 yaşında meydana çıxdı
24 Sentyabr 19:16 Daha "İnter"ə lazım deyil
24 Sentyabr 15:46 UEFA Mahirə cəza verdi