«Keşlə» müqaviləsi bu yay başa çatacaq Lorenzo Frutosla bağlı qərarını verib.
Sportinfo.az-ın məlumatına görə, paytaxt təmsilçisi paraqvaylı hücumçunun sözləşməsini uzatmaq fikrindən daşınıb.
Bu, Premyer Liqanın geridə qalan hissəsində 6 qol vuran forvardın Tərlan Əhmədovla yaşadığı problemlərlə əlaqədardır. Belə ki, baş məşqçi intizamından narazı qaldığı Frutosun adını «qara siyahı»sının ilk sırasında yazıb.
«Keşlə»də ayına 5000 dollar qazanan 1989-cı il təvəllüdlü legionerin buna kimi son klubu Venesuela təmsilçisi "Deportivo Lara" olub. Bununla yanaşı, o, Paraqvayın “Sol de América”, “Rubio Nu”, “İndependyente” və Salvadorun “Santa Tecla” komandalarında çıxış edib.