Azərbaycan Premyer Liqasında XXV tura start verilib.
Sportinfo.az xəbər verir ki, açılış matçı Şamaxıda eyniadlı komanda ilə autsayder "Səbail" arasında olub.
Şamaxı şəhər stadionundakı oyun qarşılıqlı hücumlar şəraitində keçsə də, qapılara qol vurulmayıb.
İlk hissədə meydan sahiblərinin qapıçısı Rəşad Əzizli zədələnərək, yerini Hüseynəli Quliyevə verib.
Bu nəticədən sonra xallarını 21-ə çatdıran əyalət təmsilçisi 6-cı pillədəki mövqeyini qoruyub. 15 xalı olan paytaxt klubu isə sonuncu - 8-ci sırada qərarlaşıb.