"Kəpəz"in yeni transferi Rauf Hüseynli Sportinfo.az-a müsahibə verib.
- "Kəpəz"ə keçidini necə şərh edərdin?
- İlk öncə onu deyim ki, burada olduğum üçün xoşbəxtəm. "Kəpəz" tarixi və azarkeşləri ilə seçilən klubdur.
- "Kəpəz"ə kömək etməyə özünü hazır hiss edirsən?
- Mənə verilən etimadı doğrultmaq üçün əlimdən gələni edəcəyəm.
- Komanda mövsümə uğursuz başlayıb - 5 oyun, 5 məğlubiyyət. Bu durumdan çıxmaq mümkün olacaq? Nəyə ümid edirsiniz?
- İnşallah, bu vəziyyətdən çıxmaq üçün maksimum səy göstərəcəyik. Çempionat uzun marafondur. Mövsüm hələ yeni başlayıb. Komanda şəklində hər oyunda mübarizə aparıb vəziyyəti yaxşı istiqamətə düzəltməyə çalışacağıq.
- Ötən mövsüm "Qəbələ"nin heyətində 35 oyun keçirdin. Amma yerli futbolçu azlığına rəğmən yay fasiləsini klubsuz qaldın. Səncə, niyə belə durumla üzləşdin?
- Belə görünür ki, özümü yetərincə yaxşı göstərə bilməmişəm. Üzərimdə daha çox çalışıb, daha yaxşı oyun göstərib və komandama kömək etməyə çalışacam.
XANOĞLAN İMANOV
