İtaliya A Seriyasının 1-ci turunda "Bolonya" ilə oyunda (2:0) "Milan"ın qollarını vuran Zlatan İbrahimoviç açıqlama verib.
Sportinfo.az xəbər verir ki, 38 yaşlı hücumçu özünü Bencamin Battonla müqayisə edib:
"Bencamin Batton kimiyəm. Zaman keçdikcə gəncləşirəm. Yaşlı doğulub, gənc öləcəm. Bu gün 20 yaşında olsaydım, daha 2 qol vuracaqdım.
Hədəfim ötən mövsümdəkindən daha yaxşı olmaqdır. Komandadakı gənclərlə birlikdə hər oyuna final kimi çıxmalıyıq. Komanda yaxşı mübarizə apardı. Başlanğıc yaxşıdır. Gənclər uğur qazanmağın yolunu bilirlər".
