A Seriyasının bombardiri olan “İnter”in hücumçusu Lautaro Martinesin karyerasını İngiltərə Premyer Liqasında davam etdirmək imkanı var.
Sportinfo.az “Todofichajes” portalına istinadən xəbər verir ki, London “Arsenal”ı argentinalı forvardla müqavilə imzalamaqda maraqlıdır.
“Topçular”ın rəhbərliyi 26 yaşlı futbolçunu almaq üçün təxminən 90 milyon avro ayırmağa hazırdır. Londonlular bu məbləğin sövdələşməni başa çatdırmaq üçün kifayət edəcəyinə inanırlar.
Martines İtaliya çempionatının ötən mövsümündə 33 oyun keçirib və 24 qola imza atıb.
