.jpg)
“Barselona” komandadan ayrılan Serji Roberto üçün vida mərasimi təşkil edib.
Sportinfo.az xəbər verir ki, komanda yoldaşları ilə vidalaşan ispaniyalı yarımmüdafiəçi göz yaşlarını saxlaya bilməyib.
Avqustun 11-də klub 32 yaşlı futbolçu ilə yeni müqavilə imzalanmayacağını açıqlamışdı. Vida mərasimdə komandanın keçmiş futbolçuları Karles Puyol, Xavi, Jerar Pike və Xuan Karlos Unzue də iştirak edib.
S.Roberto mərasimdə çıxış edərək bildirib:
“Meydanda vidalaşmaq istərdim, amma dəstəyinizə və məni olduğum oyunçuya çevirən tələblərə görə həmişə sizə minnətdar olacam.
Klubu ürəyimdə saxlayacağam. Burada 25 titul qazanacağım və 373 oyun keçirəcəyim kimin ağlına gətirə bilərdi?
“Barsa” həmişə həyatımın klubu olacaq. Əminəm ki, yollarımız yenidən kəsişəcək”.
“Barselona”nın yetirməsi olan Serji Roberto 2011-ci ildən əsas komandada çıxış edirdi. O, komanda ilə 7 qat İspaniya çempionu, 6 dəfə ölkə kubokunun, 2 dəfə isə Çempionlar Liqasının qalibi olub.
Roberto ötən il Serxio Busketsin komandadan ayrılmasından sonra əsas kapitan idi.
