İspaniya La Liqasının prezidenti Xavyer Tebas ölkə çempionatını İngiltərə Premyer Liqası ilə müqayisə edib.
Sportinfo.az “Marca”-ya istinadən xəbər verir ki, o, La Liqanın yalnız maliyyə baxımından Premyer Liqadan geri qaldığını bildirib:
“Bizim liqa Premyer Liqadan yalnız gəlirlər baxımından geri qalır. Amma beynəlxalq arenadakı nəticələrə görə biz daha yaxşıyıq”.
Cari UEFA Çempionlar Liqası mövsümündə İspaniyanı 1/4 finalda üç klub – “Real”, “Atletiko” və “Barselona” təmsil edir. İngiltərə Premyer Liqasından isə həmin mərhələdə “Arsenal”la “Liverpul” çıxış edir.
