“Barselona” “Hamburq”un müdafiəçisi Luka Vuşkoviçə maraq göstərir.
19 yaşlı futbolçu cari mövsümü Almaniyada icarə əsasında keçirir, onun hüquqları “Tottenhem”ə məxsusdur.
Sportinfo.az xarici KİV-ə istinadən xəbər verir ki, “Barselona” qarşıdakı yay transfer pəncərəsində müdafiə xəttini gücləndirməyi planlaşdırır və Vuşkoviç bu planda əsas namizədlərdən biridir.
Futbolçunun nümayəndələri ilə ilkin danışıqlar artıq aparılıb.
Xorvatiyalı müdafiəçinin “Tottenhem”lə müqaviləsinin müddəti 2030-cu ilin ortalarına qədər.
.jpg)
