"Selta" Madonnadan və azarkeşlərindən 1990-cı ildə "Balaydos" stadionunda konsert zamanı müğənninin geyindiyi klub forması tapmaqda yardım etmələrini xahiş edib.
Sportinfo.az xəbər verir ki, Madonnanın Viqo şəhərində keçirilən ilk böyük beynəlxalq konserti Avropa turunun sonlarında baş tutub.
O gecə müğənni səhnəyə çıxarkən La Liqa klubunun formasını geyinib. Üzərində sabiq müdafiəçi Xose Manuel Espinosanın 5 nömrəsi olub.
Konsertdən sonra forma itib və o vaxtdan bəri onun harada olduğu məlum deyil.
Klub uzun illər ərzində onu tapmağa çalışdığını etiraf edib və indi azarkeşlərdən kömək istəyərək bu unikal və əvəzolunmaz tarixi arxivə qaytarmaq niyyətindədir.
"Selta"nın prezidenti Marian Mourinyo Madonnaya açıq məktub da yazıb. O, müğənnidən itmiş formanı tapmaqda yardım istəyəcək. Madonnanın klub formasında çəkilən fotosu komandanın tarixində xüsusi anlardan biridir.
