"Atletik Bilbao"nun futbolçusu Yeray Alvares 10 aylıq diskvalifikasiya edilib.
Sportinfo.az xəbər verir ki, bu barədə İspaniya təmsilçisinin mətbuat xidməti məlumat yayıb.
İyul ayında Yeray Alvares dopinq testinin müsbət çıxması səbəbindən müvəqqəti olaraq futboldan uzaqlaşdırılmışdı.
Xərçəng xəstəliyinə qalib gələn müdafiəçi qadağan olunmuş maddənin saç tökülməsinə qarşı məhsulun tərkibində olduğunu bildirib.
Bilbao klubu UEFA-nın Alvaresi 10 aylıq cəzalandırmaq qərarına gəldiyini bildirib.
Oyunçu könüllü olaraq buna razılıq verdiyi üçün cəza iyunun 2-dən qüvvəyə minmiş hesab olunacaq. B
Futbolçu tezliklə mətbuat konfransı keçirərək vəziyyəti izah edəcək.
