“Barselona”nın prezidentinin müşaviri Enrik Masip komandanın sabiq futbolçusu Lionel Messinin yenidən qurulan “Kamp Nou” stadionunda vida oyunu keçirməsinin vacibliyini vurğulayıb.
Sportinfo.az xarici KİV-ə istinadən xəbər verir ki, o, Messinin tarixdəki ən yaxşı futbolçu olduğunu söyləyib:
“Prezident (Xuan Laporta) bu barədə həmişə danışıb. O, Messiyə böyük hörmət bəsləyir və onun burada vida oyunu keçirməsini çox istərdi.
Messi tarixdəki ən yaxşı futbolçudur və yeni “Kamp Nou”da özü istədiyi şəkildə vidalaşmağı haqq edir”.
“Kamp Nou”nun rekonstruksiyası 2026-cı ildə başa çatmalıdır.
