İngiltərə millisinin və “Liverpul”un keçmiş futbolçusu Cimi Karrager “Barselona”nın 17 yaşlı vingeri Lamin Yamal haqda fikirlərini bölüşüb.
Sportinfo.az xarici KİV-ə istinadən xəbər verir ki, ingiltərli sabiq oyunçu, Yamalın belə gənc yaşda nələrə nail olduğuna inanmağın çətin olduğunu deyib:
“Bu oğlanın belə gənc yaşda nələrə nail olduğuna inanmaq çətindir. Sadəcə, ona baxın və dörd-beş ildən sonra necə olacağını düşünün”.
Yamal dünən “Barselona”ya UEFA Çempionlar Liqasının 1/4 finalında (4:0) Dortmund “Borussiya”sını məğlub etməkdə kömək edib.
