“Valensiya”nın qapıçısı Giorgi Mamardaşvili “Liverpul”un futbolçusu olacaq.
Sportinfo.az xarici KİV-ə istinadən xəbər verir ki, bu gün gürcü qolkiper tibbi müayinədən keçəcək.
Bundan sonra gələcək satış faizi ilə 35 milyon avroluq müqavilə imzalanacaq. Lakin futbolçu “Liverpul”a 2025-ci ilin iyulunda keçəcək.
Mamardaşvili bu mövsüm “Valensiya”da qalacaq.
Almaniyada keçirilən Avropa çempionatından sonra 23 yaşlı futbolçu “transfermarkt” portalının versiyasına görə ən bahalı qapıçı olub. Onun dəyəri 45 milyon avrodur.
