“Real”ın baş məşqçisi Karlo Ançelotti hesab edir ki, komandanın türkiyəli yarımmüdafiəçisi Arda Gülər üçün ən yaxşı karyera inkişafı variantı gələn mövsüm üçün icarəyə götürülmək olardı.
Sportinfo.az xəbər verir ki, PSJ-nin hücumçusu Kilian Mbappenin gözlənilən gəlişi və gənc braziliyalı Endrikin “Palmeyras”dan transferi Ançelottinin bu cür düşünməsinə açıq şəkildə təsir edir.
Arda Gülər bu mövsüm bütün turnirlərdə 5 qarşılaşmada iştirak edib. O, ümumilikdə meydanda 92 dəqiqə keçirib. Futbolçunun klubla hazırkı müqaviləsi 2029-cu ilin yayına kimi nəzərdə tutulub.
