İspaniya superkubokunun finalında “Barselona”ya qalib gələn “Real”ın hər bir futbolçusu 150 min avro alacaq.
Sportinfo.az xəbər verir ki, bu barədə “Football Espana” məlumat yayıb.
Bildirilir ki, “Real”ın prezidenti Florentino Peres komanda və məşqçilər heyətini mükafatlandırmaq üçün 4 milyon avro ayırıb.
İspaniya superkubokunun final oyununda “Real” “Barselona”ya qalib gəlib. Ər-Riyaddakı (Səudiyyə Ərəbistanı) “Əl-Əvval Park” stadionunda baş tutan qarşılaşma “Real”ın 4:1 hesablı qələbəsi ilə başa çatıb.
