“Barselona”nın baş məşqçisi Xavi qarşıdan gələn 2024-cü il üçün arzusundan danışıb.
Sportinfo.az xəbər verir ki, ispaniyalı mütəxəssis yeni ildə mümkün qədər çox titul qazanmaq istədiklərini deyib:
“2024-cü il və klubun 125 illik yubileyi üçün bütün komandaya, rəhbərliyə arzum sağlamlıq, əmin-amanlıq və idman uğurlarıdır.
Bunun üçün çalışacağıq. İdman baxımından mümkün qədər çox titul qazanmaq istəyirik.
Düzdür, keçən il yaxşı mövsüm keçirdik, amma təbii ki, builki hədəflər qüvvədə qalır. 2024-cü il də ən azı 2023-cü il qədər yaxşı olsun”.
İspaniya çempionatının 18 turundan sonra Kataloniya klubu 38 xalla 3-cü pillədə qərarlaşıb. “Real” isə 45 xalla 1-ci yerdədir.
