“Real”ın yarımmüdafiəçisi Eduardo Kamavinqanın agenti Conatan Barnett Madrid klubu ilə müqavilənin uzadılması barədə danışıb.
Sportinfo.az xəbər verir ki, o, fransalı futbolçunun “Real”da xoşbəxt olduğunu bildirib:
“Bu Kamavinqa üçün arzudur. Madrid klubu ilə uzunmüddətli müqavilə imzalamaq hər kəsin arzusudur.
Bura onun xoşuna gəlir. Əminəm ki, o, bütün karyerasını “Real”da keçirmək istəyəcək”.
Noyabrın 7-də Kamavinqa yenidən “Real”la 2029-cu ilə qədər olan müqavilə imzalayıb.
20 yaşlı futbolçu 2021-ci ilin avqustunda “Renn”dən “Real”a keçib. Onun transfer məbləği 31 milyon avro olub.
