"Barselona"nın futbolçusu Usman Dembele klubun tarixinə düşüb.
Sportinfo.az xəbər verir ki, fransalı hücumçu La Liqanın 11-ci turunda "Atletik"i 4:0 hesabı ilə məğlub etdikləri maçda yubiley qoluna imza atıb.
12-ci dəqiqədə hesabı açan forvard "Barselona"nın çempionatdakı 4000-ci qolunu vurub.
Usman Dembele 2017-ci ildən "Barselona"da çıxış edir. O, bu mövsüm La Liqada 11 oyuna 3 qol vurub, 5 məhsuldar ötürmə edib.
