Hazırda “Tottenhem”də icarə əsasında çıxış edən Kleman Lanqle “Barselona”nın gələcəyinin parlaq olduğunu bildirib.
Sportinfo.az xəbər verir ki, fransalı müdafiəçi Kataloniya klubu barədə bu cür danışıb:
“Şübhəsiz ki, “Barselona” top klubdu. Son illər onlar üçün elə də uğurlu deyildi. Amma hələ hər şey qarşıdadı.
Düşünürəm ki, yaxın bir neçə ildə “Barsa” yenidən bütün mümkün kuboklar uğrunda mübarizə aparacaq”.
27 yaşlı müdafiəçi "Nansi", "Sevilya"da oynadıqdan sonra 2018-ci ildə "Barselona"ya keçmişdi. Bu yay isə o, "Tottenhem"ə icarəyə verilib.
