“Real” “Çelsi”nin müdafiəçisi Antonio Rüdigerlə müqavilə imzalayıb.
Sportinfo.az xəbər verir ki, tərəflər yaxın vaxtlarda 4 illik müqavilə imzalandığını elan edəcəklər.
Artıq klublar müqavilənin bütün detalları ilə bağlı razılığa gəliblər.
29 yaşlı almaniyalı futbolçunun Madrid klubunda ildə 9 milyon avro alacağı bildirilir.
Rüdiger həm də 8 milyon imza bonusu alacaq – müqavilənin hər ili üçün ona 2 milyon ödəniləcək. Beləliklə, ümumilikdə almaniyalı müdafiəçi “Real”da 44 milyon avro qazanacaq.
