“Barselona”nın prezidentinin müşaviri Jordi Kroyff yarımmüdafiəçi Frenki de Yonqun Kataloniya komandasındakı perspektivlərini dəyərləndirib.
Sportinfo.az xəbər verir ki, Kroyff niderlandlı futbolçunu satmaq fikrində olmadıqlarını bildirib:
“Biz Frenki de Jonqu satmaq fikrində deyilik. “Barselona” klubu onu çox yüksək qiymətləndirir”.
Daha əvvəl 24 yaşlı futbolçunun xidmətində “Mançester Yunayted”in maraqlı olduğu bildirilib.
De Yonq 2019-cu ildə “Ayaks”dan “Barselona”ya keçib.
Niderlandlı yarımmüdafiəçi bu mövsüm La Liqada 27 oyuna çıxıb, 3 qol vurub və 3 məhsuldar ötürmə edib.
