"Barselona"nın hücumçusu Pyer-Emerik Obameyanq Romario (1993), Ronaldo (1996) və Zlatan İbrahimoviçin (2010) nəticəsini təkrarlayıb.
Sportinfo.az xəbər verir ki, o, “Barselona”nın heyətində La Liqada meydana çıxdığı ilk 11 oyunda 9 qol vurub və klub tarixində bu nailiyyəti əldə edən dördüncü oyunçu olub.
“Barsa” İspaniya çempionatının 33-cü turunda "Real Sosyedad"ı 1:0 hesabı ilə məğlub edib. Qələbə qolunu 11-ci dəqiqədə Obameyanq vurub.
Qabonlu hücumçu qış transfer pəncərəsinin son günündə “Barselona” ilə müqavilə imzalayıb. O, “Arsenal”ı azad agent statusu ilə tərk edib.
