“Barselona”da futbolçuların məvacibi yenə də azaldıla bilər.
Sportinfo.az xəbər verir ki, bu barədə klub prezidenti Xuan Laporta məlumat verib.
O, sələflərinin səhvini təkrarlamaq istəmədiyini bildirib. Prezident qeyd edib ki, heç bir futbolçu klubdan yüksəkdə ola bilməz.
Laporta “Barselona”nın mənafeyi naminə risk edəcəklərini bildirib:
“Müqavilələr hamı üçün aydın olan parametrlər əsasında tərtib olunacaq. Ümid edirəm ki, futbolçular məvaciblərinə uyğunlaşacaqlar. Narazı olanlar problemsiz gedə bilərlər”.
Laporta hesab edir ki, futbolçular komandanın baş məşqçisi Xavidən nümunə götürməlidirlər. O, Qətərdə iki dəfə çox qazansa da, “Barsa”nın çətin günündə komandaya gəlib.
