PSJ-yə keçən Lionel Messi ilə “Barselona” arasında bütün problemlər həllini tapmayıb.
Sportinfo.az xəbər verir ki, “Barsa” Leoya borclu qalıb.
İspaniya nəhəngi argentinalı futbolçuya 40 milyon avro ödəməlidir.
Bu məbləğ bonus mənşəlidir. Messinin müqaviləsində göstərilibmiş ki, əgər hücumçu 2020-ci ilin fevralına qədər “Barselona”da çıxış edərsə, ona bonus ödəniləcək.
Bu məbləğin ödənməsi isə pandemiyaya görə təxirə salınıbmış. Məlumata görə, Messinin vəkilləri həmin məbləği “Barsa”dan tələb etməyə hazırlaşırlar.
