İngiltərə yığmasının sabiq futbolçusu Qari Lineker İspaniya millisinin oyunçusu Pedri haqda danışıb.
Sportinfo.az xəbər verir ki, “Barselona”nın yetirməsi Avropa çempionatının yarımfinalında İtaliya ilə keçirilən oyunda start heyətində meydana çıxıb.
18 yaşlı hücumçunun qarşılaşmanın əsas vaxtında etdiyi 55 ötürmənin hamısı dəqiq olub.
Lineker onu tərifləyərək bildirib ki, Pedri gələcəyin ulduzudur: “Pedri necə də möhtəşəmdir. Gələcəyin superulduzu, möhtəşəm futbolçudur”.
İspaniya yarımfinalda İtaliyaya penalti seriyasında məğlub olub.
