.jpg)
İngiltərə Premyer Liqasında cari mövsümün ən sürətli futbolçusu müəyyənləşib. Sportinfo.az yerli mətbuata istinadən xəbər verir ki, bu, "Lester"in müdafiəçisi Çağlar Söyüncüdür. Türkiyə millisinin üzvü saatda 37,49 km sürətlə bütün rəqiblərini qabaqlayıb.
23 yaşlı futbolçu bu göstərici ilə ötən mövsümün nəticəsini də yaxşılaşdırıb. Belə ki, 2018-2019 mövsümündə İngiltərə çempionatının ən sürətli oyunçusu "Mançester Yunayted"ə məxsus olan və icarə əsasında "Fulhem"də çıxış edən Timoti Fosu-Mensa olmuşdu - 33,8 km/s.
Cari çempionatda Çağlardan sonra ən yaxşı göstərici "Sauthempton"un hücumçusu Şeyn Lonqa məxsusdur. XVI turun "Nyukasl"la oyununda (1:2) 32 yaşlı forvardın sürəti saatda 37,33 km-ə çatıb. "Mançester Siti"nin futbolçuları Fil Foden (37,12 km/s) 3-cü, Kayl Uoker (36,85 km/s) isə 4-cüdür.
