"Mançester Yunayted"in baş məşqçisi Ule-Qunnar Sulşer yaxın zamanlarda öz vəzifəsini tərk etməyəcək.
Sportinfo.az Britaniya mətbuatına istinadən xəbər verir ki, klub rəhbərliyi norveçli mütəxəssisə güvənir və onu qovmaq fikrində deyil.
Mançester təmsilçisinin vitse-prezidenti Ed Vudvord və klubun əsas sahibi olan Qleyzerlər ailəsi 46 yaşlı çalışdırıcıya tam dəstək verir. Onlar "qırmızı şeytanlar"ın keçid dövrü yaşadığını və yeni komandanın qurulmasının vaxt aparacağını başa düşürlər.
Qeyd edək ki, "Mançester Yunayted" bu mövsüm keçirdiyi 11 oyundan yalnız 3-də qalib gəlib.
