"Liverpul"un baş məşqçisi Yürgen Klopp Premyer Liqanın "Şeffild Yunayted"lə səfər oyunundan (0:1) sonra "FourFourTwo" nəşrinə müsahibə verib.
Sportinfo.az xəbər verir ki, alman mütəxəssis texniki zonada özünü çox çılğın aparması haqda maraqlı məqamlara toxunub.
"Mançester Siti"dəki rəqibi Xosep Quardiolanın ən emosional məşqçi olduğunu bildirən Klopp deyib ki, çılğınlıq Pepə daha çox yaraşır: "Oyun başlayandan sonra meydanın kənarında nə edəcəyimi əvvəldən planlaşdırmıram. Necə və nə olur-olsun. Mən beləyəm, hər kəs haqqımda istədiyini düşünə bilər. Pep də çox emosionaldır və bu ona hədsiz yaraşır - geyimi, üz mimikası, özünü idarə etməsi və.s. Mən daha çox dişlərimi qıcayıram və bu zaman silsilə qətllər törədən caniyə bənzəyirəm".
