Sentyabrın 24-də “Barselona”nı n stadionu “Nou Kamp”ın açılışının 62 ili tamam oldu.
Sportinfo.az xəbər verir ki, stadion 1957-ci ildə açılıb. Və elə o vaxtdan “Barselona”ya məxsusdur.
Əvvəlcə stadiona “Estadi del FC Barcelona” adı verilmişdi. Ancaq elə o vaxtdan fanatlar arenanı “Kamp Nou” (Yeni Meydan) adlandırdılar.
2001-ci ildə isə arenaya rəsmən bu ad verildi. Müxtəlif illərdə stadionun azarkeş tutumu dəyişib. İstifadəyə veriləndə 90 min tutuma sahib olub.
1982-ci ildə aparılan yenidənqurma işlərindən sonra azarkeş tutumu 120 minə yüksəlib. 1998-ci ildə isə 98 934-ə endirilib. Hazırda 99 354 fanat “Barsa”nın oyununu arenadan izləyə bilər.
“Kamp Nou” nəinki La Liqada bütün Avropada ən böyük arenadır. Bu stadionda dünya və Avropa Çempionatlarının oyunları, ÇL-in və Avropa Liqasının finalı, UEFA Superkuboku keçirilib.
Yaxın vaxtlarda arenada yenidənqurma işləri aparılacaq və azarkeş tutumu 106 minə yüksələcək. Bu möhtəşəm arenanın hündürlükdən çəkilmiş şəkillərini təqdim edirik.
