“Mançester Siti”nin yarımmüdafiəçisi Bernardo Silva karyerasını “İnter Mayami”də davam etdirə bilər.
Sportinfo.az xarici KİV-ə istinadən xəbər verir ki, 31 yaşlı futbolçunun transferi uğrunda mübarizədə “İnter Mayami” aşkar favoritə çevrilib.
İddia olunur ki, ABŞ klubu Silvanın müqaviləsinin yayda başa çatmasını gözləmədən, artıq yanvarda rəsmi təkliflə çıxış edə bilər.
“Şəhərlilər”in üzvünün transferi “İnter Mayami”yə təxminən 20 milyon avroya başa gələ bilər.
Portuqaliyalı futbolçu 2017-ci ildən “Mançester Siti”nin formasını geyinir. Son dövrlər mətbuatda onun İngiltərə klubu ilə başa çatmaqda olan müqaviləsinin müddətinin uzadılmayacağı ilə bağlı söz-söhbətlər yayılıb.
Bu keçid reallaşacağı halda, Bernardo Silva Lionel Messi ilə eyni komandada çıxış etmək imkanı qazanacaq.
